బ్యాంక్ మేనేజర్ “గిరిబాబు” సేవలు అభినందనీయం..

జగిత్యాల జిల్లా బుగ్గారం మండల కేంద్రంలోని తెలంగాణ గ్రామీణ బ్యాంక్ మేనేజర్ బందిల గిరిబాబు సేవలు అభినందనీయమని బుగ్గారం మండల అభివృద్ధి కమిటి కన్వీనర్ చుక్క గంగారెడ్డి, విడిసి కార్యవర్గం, సభ్యులు, మండల ప్రజలు కొనియాడారు. బదిలీ పై వెళ్తున్న సందర్భంగా మంగళ వారం వారంతా బ్యాంక్ మేనేజర్ బందిల గిరిబాబు ను ఘనంగా సత్కరించారు.
ఈ సందర్భంగా బ్యాంక్ మేనేజర్ బందిల గిరిబాబు మాట్లాడుతూ నావంతు బాధ్యతగా నావృత్తిని నేను నిస్వార్థంతో ప్రజలకు చేయాల్సిన విధంగా బ్యాంక్ నిబంధనల ప్రకారం చేశానని అన్నారు. దానితోనే ప్రజల్లో మార్పు, బ్యాంక్ అభివృద్ది సాధ్యం అయిందని వివరించారు. ప్రజలు కూడా తనను, తన పని విధానాన్ని అర్థం చేసుకొని సహకరించారని తెలిపారు.