Monkey Devotion : దేవుళ్ళు, ఆధ్యాత్మిక మహిమలకు నిలయమైన పవిత్ర పుణ్యక్షేత్రం బద్రీనాథ్‌లో ఒక వింత మరియు ఆశ్చర్యకరమైన సంఘటన జరిగింది. ఒక రెస్టారెంట్‌లో జరిగిన ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్ అవుతూ నెటిజన్లను ఆశ్చర్యంలో ముంచెత్తుతోంది.
రెస్టారెంట్‌లోకి కోతి ప్రావేశం
బద్రీనాథ్ సందర్శనకు వచ్చిన ఒక కుటుంబం అక్కడి స్థానిక రెస్టారెంట్‌లో భోజనం చేస్తుండగా, ఒక కోతి వారిని అనుసరిస్తూ లోపలికి వచ్చింది. సాధారణంగా కోతులు ఆహారం కోసం మనుషులపైకి రావడం లేదా ఆహారాన్ని లాక్కోవడం చూస్తూంటాం. ఈ కోతి ప్రవర్తన మాత్రం అందరినీ విస్తుపోయేలా చేసింది.
రామనామ జపంతో ఊగిపోయిన కోతి
రెస్టారెంట్‌లో ఉన్న ఒక మహిళ, లోపలికి వచ్చిన కోతిని చూసి భయపడకుండా దైవభావంతో ‘హరే రామ’, ‘శ్రీ రామ్ జై రామ్’ అంటూ నమస్కరించి జపించడం ప్రారంభించింది.
ఆ మహిళ జపం విన్న వెంటనే ఆ కోతి చూపిన రియాక్షన్ అందరినీ మైమరపించింది. సాధారణంగా భక్తులు భజనలు చేస్తున్నప్పుడు ఏ విధంగా భక్తిపారవశ్యంతో ఊగిపోతారో, సరిగ్గా అదే విధంగా ఆ కోతి కూడా భజన చేస్తూ తల ఊపుతూ స్పందించింది. మనుషులతో సమానంగా అది ప్రదర్శించిన భక్తిపారవశ్యం అక్కడ ఉన్నవారిని మంత్రముగ్ధులను చేసింది.
ఫిదా అవుతున్న నెటిజన్లు
ఈ అద్భుత ఘట్టాన్ని అక్కడున్న వారు తమ ఫోన్లలో చిత్రీకరించి సోషల్ మీడియాలో పోస్ట్ చేయగా, అది క్షణాల్లో వైరల్‌గా మారింది. “ఆ హనుమంతుడే స్వయంగా కోతి రూపంలో వచ్చాడేమో!” అంటూ నెటిజన్లు కామెంట్లు పెడుతున్నారు. కోతి యొక్క భక్తి రియాక్షన్‌కు విపరీతమైన లైకులు, షేర్లు వస్తున్నాయి.
సాధారణంగా జంతువులలో ఇలాంటి ఆధ్యాత్మిక స్పందన చూడటం చాలా అరుదు, ఇది నిజంగా బద్రీనాథ్ క్షేత్ర మహిమేనని భక్తులు నమ్ముతున్నారు.
బద్రీనాథ్‌లో కోతి చేసిన పని వైరల్
రెస్టారెంట్‌లో కుటుంబాన్ని అనుసరిస్తూ వచ్చిన కోతి
భోజనం చేస్తుండగా లోపలికి వచ్చిన కోతి‘హరే రామ’, ‘శ్రీ రామ్ జై రామ్’ అంటూ జపించిన మహిళ
మహిళ జపానికి కోతి ఇచ్చిన రియాక్షన్ వైరల్కోతి రియాక్షన్ చూసి నెటిజన్లు ఫిదా
సోషల్ మీడియాలో వైరల్‌గా మారిన వీడియో#బద్రీనాథ్ యాత్ర #DevotionalVibes #ShreeRam #TrendingTelugu #RTV
— RTV (@RTVnewsnetwork) అక్టోబర్ 7, 2026
