ఆకాశంలో మబ్బు లేదు. కనీసం ఒక్క చినుకు కూడా కురవలేదు. అటువంటిచోట ఈ స్థాయిలో వరదలు ఎలా.. ఆకస్మికంగా ఈ జలప్రళయం ఎలా సంభవించింది.. ఈ స్థాయిలో నష్టపోవడానికి కారణం ఏమై ఉంటుంది.. ఇప్పుడు ఈ ప్రశ్నలే అందరిలోనూ వ్యక్తమవుతున్నాయి.
నేపాల్ దేశంలో సంభవించిన జలవిలయం సృష్టించిన నష్టం మామూలుగా లేదు. ఆస్తి నష్టం.. ప్రాణ నష్టం వెరసి నేపాల్ దేశం సర్వనాశనమైంది. నిజానికి నేపాల్ దేశంలో వరదలు రావడం.. వర్షాలు విస్తారంగా కురవడం కొత్తేమీ కాదు. గతంలో ఆ ప్రాంతంలో వర్షాలు కురిసినప్పుడు మాత్రమే వరదలు వచ్చేవి. కానీ ఈసారి ఆశించిన స్థాయిలో వర్షాలు లేవు. అయినప్పటికీ అక్కడ వరదలు రావడం ఆందోళన కలిగిస్తోంది. ఈ స్థాయిలో వరదలు రావడం వెనక అసలు కారణం వేరే ఉందని శాస్త్రవేత్తలు తెలిపారు.
అగ్ర ప్రాంతంలో భారీ మొత్తంలో మంచు ఒక్కసారిగా నదిలో కలవడం వల్లే ఈ ప్రమాదం జరిగిందని శాస్త్రవేత్తలు చెబుతున్నారు. నేపాల్, డిబేట్ దేశాలతో సరిహద్దుల్లో ఉన్న బోటే కోసి నదికి త్రిశూల్, లెండే కోలా వంటి ఉపనదులు ఉన్నాయి. బుధవారం ఈ ప్రాంతంలో 4.4 తీవ్రతతో భూకంపం వచ్చింది. ఈ నేపథ్యంలో గెలిచి అనే అడుగుల ఎత్తులో ఉన్న నాలుగు అడుగుల దూరంలో సముద్ర మట్టానికి 17వేల ఎత్తులో ఉన్న ఒక హిమ నదిలోకి దాదాపు 2 వేల విస్తీర్ణంలో మంచు ఫలకం వేరుపడింది. దీంతో కోలా నదిలో ప్రవాహం పెరిగింది. ఆ ప్రాంతంలో ఉన్న మట్టి.. రాళ్లు భారీగా తోసుకొని వచ్చాయి. ఆ ప్రవాహం అత్యంత వేగంగా బోటే కోసి నదిలోకి వచ్చేసింది. ఫలితంగా జల విస్ఫోటనం జరిగింది. ఆ ప్రవాహం దూసుకు వచ్చి.. తనకు అడ్డుగా ఉన్న ప్రతి నిర్మాణాన్ని పడగొట్టుకుంటూ వచ్చింది.
ఈ ప్రమాదానికి కేవలం మంచు గడ్డ విరిగి పడటమే కాకుండా.. కొండ చరియలు విరిగిపడడం కూడా ఒక కారణమని నిపుణులు చెబుతున్నారు. ఈ ప్రమాదం వల్ల బోటే కోసి నది కేంద్రంగా ఏర్పాటు చేసిన 12 జల విద్యుత్ కేంద్రాలు.. వంతెనలు మొత్తం కూలిపోయాయి. ప్రవాహం ఏ స్థాయిలో ఉందంటే కేవలం 30 నిమిషాల్లోనే నది ప్రవాహం 30 అడుగులకు పెరిగింది అంటే.. పరిస్థితిని అర్థం చేసుకోవచ్చు.
